ازاى ال antivirus بيكتشف ال virus

ازاى ال antivirus بيكتشف ال virus
=====================

-الاول ايه هو الفايرس ؟؟
الفيرس هو عبارة عن برنامج او سكربت خبيث بمعنى انه بيدى اوامر مش كويسه للجهاز زى مثلا بيعمل shortcut للملفات او بيمسح ملفات مهمه ف الجهاز .. الخ
-ايه هو الهاش Hash
الهاش ده عبارة عن سلسله من الارقام والحروف العشوائيه لكن مش بيتكرر unique زى بصمه الانسان بالظبط وفى منه انواع MD5 ,SHA 1, ....

-نيجى بقا لل antivirus الباحثين لما عرفو حكايه الفايرس دى قالو لازم نوقفها جتلهم فكرة انهم يعملو برنامج يجمعو فيه جميع الهاشات بتاعت الفيروسات ويحطوها ف قاعده البيانات بتاعت الantivirus

- جماعه الفايرس قالو احنا لازم نتصرف احنا هنغير اى حاجه ف الفايرس زى الايقونه مثلا او نضيف اى حاجه وبكده هننغير الهاش وال antivuirs مش هيكتشف الفايرس


- الباحثين قالو كده مش هنخلص لازم نشوف حل تانى قررو انهم يعملو ف الantiviurs بيئه وهميه عشان يمسكو الفايرس اول ما ينزل يقولو اشتغل ورينا انت بتعمل ايه فالبرنامج هيلاقي الفايرس عمال يخرب ف الجهاز هيروح البرنامج بسرعه حاذف الفايرس

- جماعه الفايروسات قررو انهم يقسمو الفايرس نصين نص يمين وشمال
اليمين مثلا بيعمل نفسه برنامج بيفتح صور او برنامج media player والنص التانى فيه الفايرس وقالو للفايرس لو لاقيت نفسك فى بيئه وهميه شغل النص اليمين ولا لاقيت نفسه ف بيئه حقيقية شغل النص الشمال.

-الباحثين زهقو قالو احنا هنجيب من الاخر ونجيب السورس كود بتاع الفايرس ونحطو ف قاعده البيانات علشان لو عدلو ع الفيرس او عملو فيه اى حاجه مش يشتغل .

- جماعه الفيروسات قالو مفيش مشاكل احنا
هنشفر السورس كود بتاعتنا بطريقه معقده بحيث انهم لو عملو هندسه عكسيه ع السورس كود وقدرو يوصلو يكون الفايرس انتشر

الملخص

ان برنامج الانتى فايرس دا مش بيعمل العجب ولا زى ما الناس معتقده ان مفيش فايرس بيدخل الجهاز طول ما الانتى فايرس شغال
عشان تحمى نفسك لازم تكون انت عارف انت بتحمل ايه و منين وممكن تنزل برنامج الهاش عشان تعرف البرنامج اللى انت حملته ده نضيف و مش اتعدل عليه .