كيف تبدا وتتخصص وتكون محترف امن معلومات- كورسات والخطوات وكل المستلزمات

كيف تبدا وتتخصص وتكون محترف امن معلومات- كورسات والخطوات وكل المستلزمات

 

اازاى تخش وتتعلم فى مجال الامن المعلوماتى

شرح مفصل طويل شوية او شويتين

مفيش شرح زيو بالتفصيل دى صدقني

شرح حصري

 


   

 

هتحتاج كوباية نسكافية و اقرا على روقان

ياريت دعم لانى والله بكتب بقالى اكتر من 3 ساعات اهو داخل على 4 ساعاات اهو

اولا نخش على طول



انت جهاز الكمبيوتر بتاعك يا معلم بيشتغل اكيد ب انظامة تشغيل
طيب ايه هي انظمة التشغيل
Windows طبعا ده مشهور
linux وده بردو
mac ده يعني مش اوى لان بفلوس
يعني ب البلدى خرا :D
تمام
طيب اكيد انت لازم تدرس الانظمة دى كلها
طيب ادرس ايه الاول
اكيد الويندوز طبعا
طبعا انت عارف الويندوز على استخدام شخصي وعارف هتتعامل معاه ازاى تمام
طيب انا ادرس ايه فى الويندوز ؟
تدرس انك تستخدم الويندوز كسيرفر ازاى ؟!
لازم تروح لشهادة مهمة جدا وهى ال
mcsa
يعني ايه
يعني Microsoft Certified Solutions Associate
بردو يعني ايه 😡😂
يعني ب البلدى
تفهم السيرفر ماشي ازاى
شغال ازاى
سيرفر الويندوز شغال ازاى وكدا
وهتسطب ويندوز سيرفر 2012 او غيره
والدورة اللى هتتعلمها 50 فيديو باعلى كفائه شرح مبسط وتطبيق ممتاذ
الدورة كاملة
https://goo.gl/Tnge59




الشهادة دى مهمة جدا علشان تقدر تتعامل مع سيرفرات ويندوز
طيب تمام
اعمل ايه تانى بعد الشهادة دى
انت كده يا معلم بتعرف تتعامل مع الويندوز على المستوي الشخصي يعني تعرف تسطب برامج تفتح برامج ده خبرات مع نفسك كامستوي شخصي
وكمان بتعرف تتعامل بقي مع سيرفرات الويندوز
طيب لسه ايه بقي انك تتعامل مع الشاشة السودة شاشة ال dos
ايه هي الشاشة السودة ?
انت ممكن يجيلك الكمبيوتر عبارة عن شاشة سودة وتشتغل عليها
مفيش ايقونات او اى برنجان فقط شاشة !
طيب اتعلمها ازاى
لازم تتعلم مهارة اسمها
batch scripting 


هتتعلم ازاى تستعمل اوامر شاشة السودة دى
ازاى تتعامل مع نظام بشكل احترافي جدا باستخدام الشاشة دى
وكمان
لو جالك السيرفر على شكل الشاشة دى تقدر تتعامل معاه بكل احتراف
وده طبعا مش بيحصل كتير
يعني السيرفر مش بيكون شاشة سودة فى كل الحالات بس ده
بافتراض علشان لو حصل تكون عارف المعلومات وازاى تتعامل معاه تمام
وفى ناس كتير بتشرحها اختار منهم
https://goo.gl/9JPjDE
معلومة على السريع :)
شاشة dos "الشاشة السودة" دى مش بتيدك كل الصلحيات زى الينكس
علشان كدا الينكس افضل
المهم
كدا احنا عارفين نظام الويندز كلو
بقينا محترفين ويندوز
وعارفين كل حاجة على الويندوز ومش محتاج حاجة بعد كدا فى الويندوز
تمام
نخش على linux بقي
الكبير 💪😍😎
نتعلم بقي شهادة ال red hat
ال Red Hat دى توزيعة من توزيعات ال linux
طيب انا عاوز اتعلمها اتعلمها منين
الكورس بتاعها اهو عبارة عن كورسين الاتنين لازم تتعلمهم
لانهم واحد بس منفصلين
الكورس الاول
https://goo.gl/zJBnHc
الكورس الثاني
https://goo.gl/zzVeFB
كدا انت فاهم نظام ال linux بشكل صح عارف النظام على المستوي الشخصي والسيرفر مع بعض وهتعرف الشغل ماشي ازاى
يعني هتفهم النظام كويس جدا
انت كدا معاك 50 % من نظام ال linux
طبعا لسه !
انت مفكر خلاص 😠
 
ده ال linux يا حبيبي
يعني من افضل الحاجات التي تتعامل معها
طبعا طريق فى ال linux غير الويندوز لان ال linux
ليه اكتر من توزيعة وكل توزيعة ليها شغل
طبعا هتكمل ال 50% على التوزيعات دى
شغلهم بسيط وكل توزيعة فيها اختلافات بسيطة بين التوزيعة والتانية
ايه بقي التوزيعات
red hat اتكلمنا عنها وعليها شهادة تدرسها
و fedora نفس الشغل مع اختلافات بسيطة
و centos بردو نفس الشغل واختلافات بسيطة جدا
و debian اشهر توزيعة مشهورة فشخ
و ubuntu تبع التوزيعات ال debian
و linux mint مبنية على ubuntu اللى هي debian
عندك ال opensuse ودى بقي مختلفة جدا عن اى حاجة فوق
عندك ال arch linux ودى صعبة شوية فى التعامل معها
طبعا لازم تدرس دول كلهم
طيب هل ده صعب
لا طبعا 


انت اما تدرس واحده بس منهم الباقي هيكون سهل معاك جدا لان الفروق بسيطة
نفس الكلام فى كل وحدة فيهم ولكن بس شوية اختلافات
لازم تدرس كل دول وتسطبهم على جهازك سوء كان جهاز وهمي او اساسي
كدا انت معاك شهادة انك فاهم فى انظمة الينكوس اللى هى ال red hat
ودرست معظم توزيعات الينكس
طيب ايه تانى
لازم بقي تدرس ال bash scripting
ودى مهم جدا جدا جدا جدا جدا جدا
الله ! ليه يعني ياعم 😏
لان عن طريق ال bash scripting
لا مش هقدر اقرأ عنها على جوجل لان كتير
اللى هى الشاشة السودة بس دى فى الينكوس تمام خلى بالك وركز ها 😏
الكورس اهو
https://goo.gl/fjguji
انا كدا متعلم كل الانظمة تمام
لا لسه الماك ؟ !

لا ياعم زى ما قولت خرا 😂😂 هو هو على فكرا الويندوز وبعدين مش نظام علشان تدرس فيه حاجة زى ما قولت خرا تمام يعني مش مهم اصلا لان بفلوس وحاجة يعني بضان
تمام
انت الوقتي تعرف تشتغل على الانظمة
ويندوز لينكوس
تقدر تشتغل بقي لو شاشة سودة او واجهة رسومية
هتقدر تعمل اى حاجة برنس يا معلم تمام كدا تمام
لسه بقي ايه
لسه تتعلم برمجة يا معلم
ايه هى اللغات اللى ادرسها
ادرس على قد م تقدر 😕
لا ياعم☹️
قولى حاجة اتعلمها مش هتعلم ده كلو
طيب هقولك بس بردو
لازم تتعلم كتير جدا ده احتراف منك كل ما تتعلم اكتر بتحترف اكتر
لانك اما تتعلم اكتر هتقدر تتعامل مع البرنامج اللى قدامك
مهما كان لانك لو دارس اللغة اللى قدامك فى البرنامج هتعرف تتعامل معاه لو مش دارس مش هتعرف
 
اول لغة تبدأ بيها
البايثون مهمة علشان تبرمج بيها ادوات الاخترق ومعظم ادوات الاختراق اللى انت هتستعملها مبرمجة ب البايثون وهتعرف تطور و تبرمج اداوت ليك يا معلم
تمام
طبعا لو مش عارفها مش هتعرف تطور فى اى اداة او تبرمج علشان كدا هى مهمة فشخ
طيب ليه مش php ؟!
بوص اتعلم دى او دى مش هتفرق
لانك اصلا لازم تتعلم الاتنين 😂 ال php مهمة فشخ علشان اختبار الاختراق ,والبايثون مهمة فشخ بردو
ف مش هتفرق تدرس ايه الاول تمام
بس طبعا انصح انك تبدأ ب بايثون لانها سهلة فشخ الفشخ
ايه تانى
عندك كمان لغة ال c لانها اللغة الام تقدر تطور النظام نفسو
وعندك الجافا مهمة جدا جدا طيب ليه ؟
علشان تطبيقات الاندرويد على الموبيل ف تقدر تبرمج ادوات علشان تستغل الثغرات اللى على الموبيل وكدا
عندك ال assembly ودى صعبة شوية ف هتركنها على جنب لحد اما تتعلم شوية كدا
علشان مش من الاول تتعلم حاجة صعبة فهمني ؟
بس هي مهمة فشخ علشان تعرف تتعلم الهندسة العكسية
بعدين ال ruby ودى بردو اختبار الاختراق زى php
وال perl ودى بردو اختبار الاختراق زى php
وال asp.net بردو لازم تتعلمها
دى مع بردو ال php علشان تكتشف ثغرات فى المواقع الالكترونية
طبعا لازم تكون دارس اللغات البسيطة زى مثال ال
html css JavaScript تمام
شوفت بقي ان كل حاجة ليه حاجة ومهمين فشخ علشان كدا لازم تتعلم كتير وطبعا مش تتعلم لغة وخلاص لا
لازم تتقن اللغة يا معلم علشان متنساش اللغة وتعيد الكورس تانى وكدا تمام
ف اتعلم على قد ما تقدر مع الاتقان
نخش بقي على الجزء المشوق
الشبكات 😍😋
انت كدا فاهم انظمة كويس ولغات برمجة كويس طيب
الوقتي بقي ناقص افهم الشبكات بتعت الانترنت والشبكات دى شغالة ازاى والاتصالات اللى بتحصل حصلت ازاى دى
طبعا هتعمل ب البرمجة برامج خاصة بالشبكات ف علشان كدا لازم تكون دارس برمجة الاول تمام
والشبكات عبارة عن شهادتين 2 "Two certificates"
هيخلوك برنس فى الشبكات عبقري شبكات
ايه هما ؟
الشهادة الاولى
لازم تبدأ بيها الاول يعني مينفعش تخش على التانية على طول لا تمام
الشهادة الاولى
ccna routing and switching
الشهادة التانية
ccna security
طيب الكورسات
بوص فى كتير فشخ كتير فشخ شروحات عنها ف انت شوف اللى ينسبك وكلهم فى قناة واحدة الحمد الله وعلى فكرا اكتر الكورسات اللى فوق من نفس القناة
رابط القناة
https://goo.gl/pjrBC4
ابحث وشوف فى القناة
معلش استحمل انا والله شرح كل حاجة ب التفصيل الفشيخ يعني ادعموني واستحمل
انت كدا بقي يا معلم دارس انظمة ولغات برمجة وشبكات
لسه خطوة واحدة وتبقي كدا خلصت ايه بقي
انك تخش مجال امن المعلومات
ايه 😮بتقول 😯ايه ؟
كل اللى فوق ده تمهيد واحتراف علشان تخش بقي
تمام
امن المعلومات

الشهادة الاولى
وهى شهادة بتعتمد على اللى انت فهمتو فوق
لو دخلت عليها على طول
مش هتفهم اى برنجان
ايه هى بقي
- CEH
Certified Ethical Hacker يعني
يعني ايه يعني
مجال اختبار الاختراق الاخلاقي
هتعرفك بقي المهارات والادوات واشهر الادوات اللى هتستعملها فى الاختراق
الشهادة التانية
دى اقوي شهادة وافشخ شهادة
يعني تكون محترف فى نظام الحماية
cissp
يعني
Certified Information Systems Security Professional
يعني شهادة أمن نظم المعلومات المهنية
كدا انت خلصت كل حاجة بقيت فشيخ بمعني الكلمة
وعاوز صبر جامد وحب علشان مش تزهق من المجال وعلشان تحترف حاجة زى كدا عاوز سنين تمام
انت كدا تقدر تروح اى شركة وتحط رجلك فى وش المدير وتقول انا عاوز اشتغل فى الشركة دى
اشهر القنوات اللى هتخليك برنس



القناة الاولى
Free4arab | Information Technology
رابط القناة
https://goo.gl/jgVkt7
و كل الكورسات اللى فوق اللى انا قولت عليها من القناة دى
والقناة دى بردو تبع اللى فوق
abdallah elsokary
رابط القناة
https://goo.gl/mG2cbb
لان صاحب الاتنين اسمو abdallah elsokary
واخيرا اخر قناة
https://goo.gl/C8Eyxp
موقع جميل جدا
دول اشهر حاجة موجودة علشان تتعلم منهم
اتمنى من كل القلب انى فهمت اى حد كان عاوز يخش المجال ده